Klokkan 10.00 varð hol sett á seinasta dagin á G! 2026 við Ginjoga á sandinum. Klokkan 11.00 var kirkjugongd í fjósinum og nú klokkan 12.50 byrjar stóra árliga barnatiltakið á Spæliplássinum.

Sjálvdan hevur sandurin í Syðrugøtu verið so fullur av fólki sum í gjár, og veðurgudarnir tykjast sanniliga at vilja G! festivalinum væl, tí sambært veðurforsøgnunum verður tað upp í heili 16. stig í dag.

Men tað er ikki bara veðrið, sum leverar í dag.

Av stóru nøvnunum og bólkunum, sum framføra í dag kunnu nevnast Ásgeir, sum framførir klokkan 17.30, Tommy Cash spælir klokkan 20.20, Clickhaze klokkan 22.50 og Sakaris lukkar sandin klokkan 01.20.