Flakin er bygd í Póllandi og er 40 metrar long. Hon hevur 18 fóðurleiðingar og kann tí geva fóðri til 18 ringar samstundis.

Stýrisskipanin og forritið eru ment av GroAqua í Føroyum. Sambært felagnum brúkar nýggja skipanin AI-tøkni til at gagnnýta fóðrið betur og gera raksturin meira effektivan.

Skipanin hevur eisini nýggj amboð til frágreiðingar og stýring. Samstundis kann skipanin koyrast sjálvvirkandi og fjarstýrast av landi. Flakin er harumframt fyrireikaður til landstreym.

Bakkafrost væntar tryggari rakstur

Oddvald Olsen, økisleiðari hjá Bakkafrost, sigur, at felagið væntar, at flakin fer at styrkja raksturin í Fuglafirði.

– Vit vænta eisini betri logistikk og størri trygd fyri bæði starvsfólk og aliøkið, sigur hann.

GroAqua hevur seinasta árið latið fýra nýggjar fóðurflakar til Bakkafrost í Føroyum.