Konsertin verður lýst undir heitinum Hard folk-rock from the North Atlantic, og dentur verður lagdur á føroyskan mentanararv og søgur úr víkingatíðini.

Hamradun hevur gjørt tað til sítt serliga eyðkenni at sameina gomul føroysk kvæði og vísur við nútímans rocktónleik.

Danski rockbólkurin Going for the One verður eisini við á konsertini.

Bólkurin er mannaður við trimum kvinnum og spælir melodiskan popp- og rocktónleik við íblástri úr 1990-árunum.

Tíggju ár við føroyskum kvæðarokki

Hamradun varð stovnaður í 2015 og hátíðarhelt í fjør, at tíggju ár vóru liðin, síðan fyrsta útgávan kom út. Tað varð gjørt við einari konsert í SALT.

Síðan fyrstu útgávuna hevur bólkurin eisini givið út Hetjuslóð og Nætur níggju.

Pól Arni Holm er sangari í Hamradun. Hinir limirnir eru Uni Debess, Fríði Nordenskjold Bjørgvin, Heri Reynheim, Finnur Hansen og Rani Christiansen.

Bólkurin hevur gjøgnum árini spælt bæði í Føroyum og aðrastaðni í Evropa. Í august í ár spældi Hamradun eisini á Summarfestivalinum í Klaksvík.