Løgreglan kannaði í gjár eitt harðskapsmál, eftir at ein persónur gjáranáttina hevði meldað, at hann var sligin av einum øðrum persóni. Viðkomandi hevði fingið nakað av skaða í sambandi við hendingina.

Ein persónur er nú skuldsettur í málinum, sigur vaktleiðarin á politistøðini.

Løgreglan hevði eisini eitt annað mál um harðskap hetta seinasta døgnið. Um miðnáttarleitið fekk løgreglan boð um ein uppfarandi persón á einum vertshúsi í miðbýnum í Havn.

Tá løgreglan kom á staðið, var persónurin handtikin og skuldsettur fyri brot á skilhaldsreglirnar.