Tað er nú greitt, hvør verður nýggjur stjóri á Posta. Tey hava søkt eftir stjóra eftir at Joel Undir Leitinum segði upp og fór at royna aðrar leiðir.

Og nú hevur nevndin sett Hans Jákup Langgaard í starvið, frætta vit frá álítandi keldum.

Hann hevur drúgvar royndir í vinnuligum samanhangi.

Seinast hevur hann verið stjóri á Bilasøluni, men áður hevur hann starvast í 15 ár hjá Føroya Tele, og fyri tað tíð í 20 ár hjá Elektron.

Seinnapartin í dag vórðu starvsfólkini kunnað um starvssetanina. Sjálvur hevur hann onga viðmerking, men hann sigur, at eitt kunningarskriv verður almannakunngjørt seinni.

KvF segði hendan dagin, at 25 umsóknir vóru til starvi, báði kvinnur og menn, og útlendingar eins og føroyingar.