Fyrr í dag legði ein grind beinini í Sandagerði. Tórshavnar býráð staðfestir, at grindin var stór, og avgerð er tikin um, at hon verður býtt í bæði drápspartar og heimapartar.

Í løtuni verður grindin merkt væntandi koma seðlarnir til drápspartarnar út klokkan níggju fyrrapartin í morgin.

Heimapartarnir verða býttir millum fólk í Tórshavn og í bygdunum í kommununi. Enn er støða ikki tikin til akkurát, hvussu tað verður. Men býráðið sigur, at talan verður ikki um at býta eftir gamla listanum til heimapartar.

Heldur verður talan um, at fólk bara kunnu møta upp á vestaru bryggju, har skorið verður upp, og so fáa tey sín part.