Í nátt, sunnudagin 25. oktober, verður klokkan flutt ein tíma aftur. Tá klokkan verður 02.00 í Føroyum, verður hon sett aftur til 01.00.

Tað merkir, at sunnunáttin verður ein tíma longri enn vanligt.

Hví hava vit vetrartíð?

Vetrartíð er í roynd og veru vanliga tíðin, sum fylgir gongdini hjá sólini.

Summartíð varð tikin í nýtslu fyri at gagnnýta dagslýsið betur. Tá klokkan verður flutt fram um várið, fáa vit meira dagslýsi um kvøldið.

Skipanin hevur eisini verið knýtt at orkusparing og fekk serliga útbreiðslu undir fyrra heimsbardaga.

Nær kemur summartíðin aftur?

Summartíðin byrjar aftur sunnudagin 28. mars 2027.

Tá verður klokkan í Føroyum flutt fram frá 01.00 til 02.00.

Men fyrst kunnu vit gleða okkum til ein tíma eyka undir dýnuni sunnunáttina.