Íslendska løgreglan kannar eina hóttan um at spreingja annar hvalabáturin hjá Hvalur hf. í luftina, um hvalaveiðan heldur fram. Tað skrivar RÚV

Hóttanin kom um náttina 23. juni. Boðini vóru, at ein spreingiløðing var løgd umborð á annan bátin. Sama hóttan varð send RÚV við telduposti sama morgun.

Veiðan er byrjað

Hvalur 9 kom til lands 23. juni við tveimum nebbafiskum og fór síðani aftur á hvalaveiðu. Hvalur 8 var væntaður til lands sama kvøld við einum nebbafiski.

Í ár hava íslendarar loyvi at veiða 150 nebbafiskar. Tað er 20 prosent minni enn undanfarna tilráðing.

Friðarligt við hvalastøðina

Umleið tíggju fólk vóru á hvalastøðini, tá Hvalur 9 kom til lands. Løgreglan varð biðin um at koma á staðið, men sambært løgregluni var støðan friðarlig.