Kanjon hevur fingið sær skrivstovu í Havn. Fyritøkan hevur kundar og verkætlanir um alt landið og vil við nýggju skrivstovuni styrkja sambandið við kundar og samstarvsfelagar í høvuðsstaðarøkinum.

Tað boðar Kanjon frá á Facebook.

Sambært fyritøkuni er virksemið vaksið seinnu árini. Skrivstovan á Óðinshædd 11 skal gera tað lættari at vera nær kundum, samstarvsfeløgum og verkætlanum í økinum.

Samstundis vil Kanjon styrkja nærveru sína í Føroyum sum heild.

Nýggja skrivstovan skal eisini skapa góðar karmar fyri starvsfólkini, sigur fyritøkan.

– Vit gleða okkum at taka ímóti kundum, samstarvsfeløgum og øðrum vitjandi á Óðinshædd 11, skrivar Kanjon.