Sambært Ritzau upplýsir Naviair, at eitt flogfar fekk loyvi at lenda, tí brennievnið í tanganum ikki fór at vera nóg mikið til at verða beint til annan flogvøll.

Naviair hevur ábyrgdina av at beina flogfør trygt inn og út úr donskum loftrúmi.

Samstundis skrivar presse-fotos at eitt stríðsflogfar er a veg til Kastrup Lufthavn úr Jútlandi.

Sí https://www.facebook.com/share/v/1FeU1irmLL/

Atlantic RC458 var komin umleið til Randers tá ið flogfarið vend við við kós ímóti Stavanger í staðin fyri

Kaotisk viðurskifti eru á flogvøllinum í Keypmannahavn mánakvøldið.

Nú váttar Lise Agerley Kürstein, sum er samskiftis- og pressuleiðari á Kastrup Lufthavn fyri TV 2, at tey hava steðgað allari flogferðslu.

- Tað vit vita er, at Kastrup Lufthavn hevur steðgað øllum flogførum at fara avstað, og lenda, tí tvær ella tríggjar, størri dronur eru sæddar yvir flogvøllinum. Løgreglan kannar málið.

Billund Lufthavn hevur sent boð eftir fleiri fólkum at koma til arbeiðis at taka ímóti flogførum.

Hvussu leingi tað fer at vara, vita vit ikki. Vit fáa meira at vita um ein hálvan tíma, sigur hon við TV 2

Vit hava sæð løgreglu-og sløkkiliðsbilar í fullum útrykningi koyra ímóti flogvøllinum.

Tey vilja tó ikki siga um herurin er partur av arbeiðinum sum gongur fyri seg har í løtuni.