Ráðstevnan verður lýst sum tann størsta av sínum slag í Føroyum og savnar fólk úr vinnulívi, KT-geiranum og skapandi vinnum.

Sambært KT-felagnum er Tonik ein altjóða pallur fyri nýskapan, íverksetan og kreativitet. Á ráðstevnuni hittast stovnarar, vinnulívsleiðarar, KT-serfrøðingar og onnur við áhuga fyri tøkniligari menning.

KT-felagið umboðaði sínar 19 limafyritøkur á tiltakinum. Fleiri av fyritøkunum vóru eisini sjónligar á annan hátt á ráðstevnuni.

Dentur á føroysku KT-vinnuna

Felagið upplýsir, at arbeitt verður miðvíst fyri at betra karmarnar hjá føroysku KT-vinnuni og styrkja Føroyar innan KT-menning.

Samstundis verður arbeitt fyri góðum umstøðum hjá fyritøkum, sum menna tænastur og vørur til bæði føroyska og altjóða marknaðin.

Fyriskiparar handan ráðstevnuna

Tað eru Hugskotið, Uttanríkis- og vinnumálaráðið, Vinnuframi, Framtak og Íverksetarahúsið, sum skipa fyri Tonik.

Á einari mynd frá tiltakinum síggjast umboð fyri KT-felagið saman við Akseli V. Johannesen, landsstýrismanni í fíggjarmálum.