Í gjár var dagurin eftir ólavsøku og løgreglan sigur, at tað merktist eisini. Tað var alt stilt og friðarligt og tað einasta, løgreglan var upptikin av, var at tryggja lóg og landaskil í sambandi við fótbóltsdystin í Gundadali gjár ímillum HB og skotska liðið, Motherwell.

Løgreglan sigur, at eini 1.350 atgongumerki vórðu seld og av teimum vóru tað 130 skotar, sum vóru og hugdu.

Men løgreglan sigur, at har gekk alt friðarliga fyri seg, bæði undir dystinum og aftan á, og tað var einki hóvasták av nøkrum.