Kynsbýtið innan mentanargeiran var nærum javnt. Kvinnur vóru 49,6 prosent av starvsfólkunum, meðan menn vóru 50,4 prosent. Nærum helvtin, 48,5 prosent, var millum 30 og 49 ár.

Tað skrivar Eurostat.

Útbúgvingarstøðið innan mentanargeiran í ES var í 2025 hægri enn á arbeiðsmarknaðinum sum heild. 61,9 prosent høvdu hægri útbúgving, og 31,3 prosent høvdu miðnámsútbúgving ella aðra útbúgving undir hægri stigi. Bert 6,7 prosent høvdu í mesta lagi fólkaskúlaútbúgving.

Stórur munur millum londini

Í Niðurlondum var lutfalsliga størsti parturin av arbeiðsmegini í mentanargeiranum, 5,7 prosent. Síðani komu Estland við 5,3 prosentum og Malta við 5,1 prosentum.

Lægsta talið var í Rumenia, har bert 1,8 prosent arbeiddu í mentanargeiranum.