LÍV hevur sett 84,9 milliónir krónur í Globe Tracker, meðan P/F LÍV Lívs- og pensjónstryggingarfelag hevur sett 89 milliónir krónur í felagið.

Tá samstarvið steðgaði, var íløgan bókað til 29,9 milliónir krónur.

Globe Tracker hevur havt fíggjarligar trupulleikar seinastu árini. Sambært LÍV hava royndirnar at styrkja marknaðarstøðuna ikki eydnast, og tøkniligar avbjóðingar hava rakt bæði søluna og álitið hjá kundunum.

Nýggjur LÍV-stjóri skal finnast

Nevndarformaðurin Árni Ellefsen sigur, at Jan Jakobsen hevur lagt eitt stórt arbeiði eftir seg tey 14 árini, hann hevur verið stjóri í LÍV.

Starvið verður nú lýst leyst alment. Jan Jakobsen heldur fram í starvinum, til nýggjur stjóri er settur.

LÍV hevur samstundis dagført íløgupolitikkin og fer ikki at gera fleiri íløgur í verkætlanir í sama íløgubólki sum Globe Tracker.