Tað er tætt millum bilarnar í Norðoyatunlinum. Uppgerðin á tunnil.fo vísir, at tað í juni í miðal koyrdu 4977 bilar um samdøgrið í Norðoyatunlinum. Hetta er størsta tal í juni, síðani tunnilin læt upp fyri 20 árum síðani, 29. apríl í 2006, og tað er bara einaferð áður komið fyri, at fleiri bilar í miðal um dagin í einum mánaði hava verið í tunlinum. Tað var í august í fjør, tá ið talið var 5180.

Miðalferðsla pr. dag. fyri Norðoyatunnilin

At talið seinastu árini altíð er størst í august man koma av, at tað tá eru bæði Summarfestivalur og Sjómannadagur í Klaksvík.

Í Vágatunlinum var miðal talið fyri ferðsu ein dag í juni 3800. Hetta er størsta miðaltalið í juni, síðani tunnilin læt upp 10. desember 2002.

Einastu mánaðirnar, at miðaltalið í Vágatunlinum hevur verið størri enn í juni í ár var í juli í fyrraárið og í fjør, tá ið talið var ávikavíst 3800 og 3976.

Miðalferðsla pr. dag. fyri Vágatunnilin