Fyri stuttum boðaði Kaj Leo Holm Johannesen frá, at hann nú fer aftur í løgtingið. Hann hevur síðstu nógvu mánaðirnar verið í farloyvi frá tingarbeiðnum. Orsøkin er tann, at hann hevur verið undir endurvenjing, nú likamligi førleikin er so mikið skerdur, at hann situr í koyristóli.

Fyri stuttum tók Kaj Leo Holm Johannesen stig til at stovna felagið Koyristólur – skerdur førleiki. Felagið hevur longu nógvar limir, og í dag hevur Kaj Leo Holm Johannesen lagt mynd á facebokk vanga sín, sum vísir, at umstøðurnar í løgtingssalinum nú verða skipaðar soleiðis, at tað ber til hjá teimum, sum sita í koyristóli, at fara á røðarapallin.