Landsstýrismaðurin í mentamálum, Bárður á Lakjuni, hevur sett Turid Vang Frederiksen í starv sum skúlastjóra í Skúlanum við Løgmannabreyt. Hon tekur við starvinum 1. september 2026.

Turid Vang Frederiksen er 50 ára gomul, ættað úr Froðba og búsitandi í Hoyvík. Hon tók læraraútbúgving í 2013 og hevur drúgvar undirvísingarroyndir úr fólkaskúlanum.

Hevur eisini leiðsluroyndir

Áðrenn hon varð útbúgvin lærari, var hon útbúgvin grannskoðaranæmingur við HD. Hon hevur eisini leiðsluroyndir úr privatu vinnuni, har hon hevur starvast sum roknskaparleiðari og fíggjarleiðari.

Turid Vang Frederiksen er harumframt farin undir eftirútbúgving innan leiðslu.