Óli Hans Olsen hevur sagt seg úr starvi sum stjóri á Vørn. Hann verður tøkur komandi mánaðin at hjálpa til við málum, sum kunnu stinga seg upp.

Frihedsbrevet skrivar, at Óli Hans Olsen var umborð á skjóttgangandi bátinum, sum á bátastevnuni í Vestmanna í mai rendi á Brimil. Fiskimálaráðið bað Óla Hans um eina frágreiðing um málið. Men í staðin hevur hann nú sagt seg úr starvi.

Jóhan Simonsen, deildarstjóri á Vørn, tekur við sum virkandi stjóri fyribils. Eftir summarfrítíðina verður søkt eftir nýggjum stjóra.