Fyrrapartin í gjár hendi eitt ferðsluóhapp í Sundalagnum, tað var við leguhúsið í Nesvík.

Løgreglan sigur at ein bilur við trimum fólkum í, einum pápa, sum koyrdi, og tveimum børnum, var á veg av vegnum ígjøgnum Sundalagið og oman til Leguhúsið.

Men har var sum á flundrubaki so bilurin fór á glið og førarin misti fullkomuliga tamarhaldið á bilinum og fekk einki gjørt.

Løgreglan sigur, at úrslitið var, at bilurin endaði í lítlu ánni fram við vegnum. Bilurin fekk stóran skaða og tey trý fólkini í honum vórðu flutt á Landssjúkrahúsið til kanningar.

Tað vísti seg kortini, at tey høvdu ongar skaðar fingið.