Tað var rættiliga nógv fólk á G-festivalinum í góðveðrinum í nátt. Men løgreglan sigur, at tað var eisini rættiliga friðarligt.

Løgreglan sigur, at onkran smáar ósemjur tóku seg upp ímillum fólk, men tær vórðu loystar við at partarnir vórðu sendir í hvør sína ætt og so varð ikki meiri gjørt burtur úr tí.

Annars hevur G-festivalurin sjálvur nógv vaktarfólk so tey taka sær av tí, sum kemur upp inni á festivaløkinum, men løgreglan hevur eingi harðskapsmál, ella onnur mál úr Gøtu í nátt.

Tað hevur eisini verið friðarligt alla aðrastaðni, sigur løgreglan.

Annars fingu tveir bilførarar klipp í koyrikortið fyri at koyra alt ov skjótt og ein fekk 1.000 krónur í bót, og klipp í koyrikortið, fyri at tosa í fartelefon ímeðan hann koyrdi.