Ein bólkur, sum kallar seg Skandinaverna, hevur sent bræv til fleiri politiskar flokkstjórnir í Svøríki í sambandi við komandi val til Riksdagen.

Í brævinum verða flokkarnir spurdir, um teir vilja stuðla tankanum, um at seta av ávís øki í landinum sum reservatir fyri at varðveita skandinaviska mentan og etniskan samleika.

Í brævinum verður ført fram, at økt fjølmentan og fólkaligar broytingar í Svøríki, hava skapt ótryggleika og veika sosiala samanhang í samfelagnum.

Bólkurin heldur, at broytingarnar eru farnar fram ov skjótt, til at verða upplivdar sum natúrligar.

Sum møgulig loysn verða tríggir vegir nevndir: at seta av serlig øki til skandinavar, at skandinavar flyta til onnur lond, ella at seta í verk serlig tiltøk til tess at verja mentanarligan og etniskan samleika.

Bólkurin sigur eisini, at um eingin svar kemur, verður tað fatað sum eitt nei, og at hetta kann merkja, at skandinavar, sum vilja varðveita sín mentanarliga samleika, ikki hava eina langskygda framtíð í landinum.

Brævið verður sent til allar viðkomandi politisku flokkstjórn og eisini miðlar í Svøríki.