Í gjár hendi eitt ferðsluóhapp á Nesi í Vági, har ein bilur fór út av.

Løgreglan sigur, at talan var um ein ungan bilørara og tey halda at ósketni hevur ein leiklut í óhappinum, í hvussu so er partvís.

Rúsdrekka var ikki uppi í og bilførarin var einsamallur í bilinum.

Løgreglan sigur, at bilurin var komin út í vegøkslina í niðara borði, men tá ið bilførarin varnaðist tað og skuldi rætta upp aftur, gjøri hann tað so krapt, at bilurin ístaðin fór út av í ovara borðið og endaði á takinum.

Bilførarin slapp ikki úr bilinum og sjúkrabilur og bjargingarlið fóru á staðið. Men við leiðbeining frá bjargingarfólki, slapp hann skjótt úr bilinum.

At síggja til hevði hann ikki fingið skaða, men av trygdarávum fór hann á sjúkrahúsið - og har varð eisini staðfest, at hann var sloppin snikkaleysur burtur úr óhappinum.