Spansku myndugleikarnir eru farnir undir at seta upp eina 500 metra langa flótandi forðing út fyri sponsku eksklavuna Ceuta við markið til Marokko.

Hetta hendir eftir óvanliga stóru tilgongdini av immigrantum Seinastu dagarnir.

Forðingin er samansett av flótieindum og uppblásiligum lutum, sum røkka bæði oman og niðan fyri vatnskorpuna, fyri at gera tað torførari at svimja inn til Ceuta.

Samstundis er ein opningur gjørdur, so eftirlitsbátar framvegis kunnu sigla í økinum.

Myndugleikarnir siga, at forðingin skal avmarka ólógliga innferð og styrkja marknaeftirlitið við ytra markinum hjá ES. 

Tann brádliga stóra tilgongdin verður millum annað sett í samband við leysasøgur á sosialum miðlum, virksemi hjá menniskjasmyglarum og framhaldandi óstøðugleika í fleiri afrikanskum londum.

Menniskjarættindafelagsskapir hava kortini funnist at tiltakinum og ávara um, at tað kann noyða immigrantar út á enn vandamiklari leiðir.