Umníggju tíðina í kvøld var ein spreinging í maskinrúminum á farmaskipinum, Glyvursnes, hjá Smyril Line. 

Skipið lá við bryggju í Hirtshals, sigur Jens Meinhard Rasmussen, stjóri á Smyril Line í eini fráboðan. Manningin fór beinanvegin undir at sløkkja eldin. Tríggir mans vóru í maskinrúminum, tá spreingingin hendi hendi. Teir eru fluttir á sjúkrahús, og avvarandi hava fingið boð. 

Fyri eini lítlari løtu síðani sigur hann, at eldurin umborð á Glyvursnesi er sløktur eftir spreingingina fyrr í kvøld.

Men hann sigur, at tann eini av teimum trimum, sum vóru í maskinrúminum tá ið spreingingin var, er deyður av løstinum hann. Tey avvarðandi hava fingið boð.

Hinir báðir eru á sjúkrahúsi undir viðgerð fyri brunasár og roykeitran. Manningin er flutt av skipinum og fær kreppuhjálp. Eisini avvarðandi fáa tilboð um kreppuhjálp. 

– Hetta er ein syrgiligur dagur hjá øllum okkum í Smyril Line og okkara tankar eru hjá teimum avvarðandi, sigur Jens Meinhard Rasmussen.