Í nátt steðgaði løgreglan einum manni har hann kom gangandi í býnum. Tá ið løgreglan kannaði hann vísti tað seg at hann hevði bæði rúsevni, vekt og hassposar uppi á sær, so hann var rættiliga útgjørdur til at selja.

Løgreglan sigur, at hann varð tikin við á støðina og ímeðan hann sat har, varð bústaðurin hjá honum rannsakaður, og har fann løgreglan eisini nakað av hassjmixi, sum tey kalla tað tá ið hassj er blandað upp í tubbakk.

Løgreglan sigur, at tilsamans er hann skuldsettur fyri at hava 25 gramm av hassji og hassjmixi, og harumframt hevði hann 3,7 gram av ketamini uppi á sær.

Løgreglan sigur, at tá ið hann varð avhoyrdur varð hann leyslatin aftur nú í morgun.