Forsetin í USA, Donald Trump, deildi leygarkvøldið enn einaferð eitt uppslag, har Grønland var í miðdeplinum.
Hesa ferð var talan aftur um eina mynd, har hann er settur inn í eitt grønlendskt landslag við tekstinum Hey Grønland!
Trump gav onga nærri frágreiðing um uppslagið. Tað er tó ein partur av fleiri uppsløgum, sum hann legði út seinasta tíman.
Millum hesi var eisini ein manipulerað mynd av honum í einum Elvis-inspireraðum búna.
Har var eisini ein mynd, sum vísir Venezuela sum 51. statin í USA, og ein mynd av Trump framman fyri einum golfvogni við tekstinum Forsetin Trump eldist øvugt.
