Stórir skógareldar herja í Suðurfraklandi og hava noytt umleið 10.000 fólk at rýma úr heimunum, meðan sløkkilið stríðast við at fáa tamarhald á eldunum í sterkum vindi og avbera turrum veðri.

Størsti eldurin brennur í Pyrénées-Orientales, nær markinum til Spania, har túsundtals fólk eru flutt burtur úr býum og bygdum, eftir at eldurin hevur breitt seg skjótt í tí turra lendinum. Hundraðtals sløkkiliðsfólk, stuðlað av sløkkingarflogførum, arbeiða við at basa eldunum.

Fyrr í vikuni noyddu aðrir skógareldar fram við Miðjarðarhavsstrondini nærum 3.000 íbúgvar og ferðafólk at rýma. Vegir vórðu stongdir, campingpláss vórðu tømd, og dramatiskar myndir vístu fólk, sum royndu at sleppa undan logunum, meðan tjúkkur roykur legði seg yvir økið.

Hóast eldarnir herja í Suðurfraklandi, eru tey harðast raktu økini vestan fyri Fronsku Rivieruna, nær Pyreneafjøllunum og Miðjarðarhavsstrondini við markið til Spania.

Skógareldarnir hava eisini órógvað Tour de France, har fyriskipararnir hava avmarkað atgongdina hjá áskoðarum á pørtum av kappingini, so bjargingarlið kunnu savna seg um sløkkingararbeiðið.

Myndugleikarnir ávara um, at tað heita og turra veðrið fer at halda eldvandanum á sera høgum stigi komandi dagarnar.