Spenningurin um, hvør fer at vinna FM, mest sum hvarv í dag. Tað gjørdi hann, tí NSÍ vann tepran 1-0 heimasigur ímóti 07 Vestur, og tí KÍ samstundis tapti 1-0 á heimavølli ímóti B68.
Spenningurin um, hvør fer at flyta niður, er størri eftir 25. umfar, enn hann var undan umfarinum.
Í tí høpinum var B68 stóri vinnarin í dag, tá ið toftamenn fyri fyrstu ferð síðani í 2008 vunnu í Klaksvík. Tapararnir vóru 07 Vestur, AB og EB/Streymur, sum øll taptu, meðan Skála ÍF vann eitt stig á útivølli ímóti B36, sum megnaði at svara aftur og javna til 3-3, eftir at Skála ÍF í seinna hálvleiki vendi 0-1 til 3-1.
Talan verður av álvara um lyklauppgerðir í kappingini um at sleppa undan at flyta niður, tá ið 07 Vestur seinnapartin sunnudagin fær vitjan av B68 og aftur seint seinnapartin sunnudagin, tá ið Skála ÍF fær vitjan av AB.
Sunnudagin um eina viku verður 26. og næstsíðsta umfar. NSÍ er undan tveimum teimum síðstu umførunum seks stig frammanfyri KÍ, sum seinnapartin sunnudagin fer í Gundadal at spæla ímóti B36. Um KÍ ikki fer at vinna fulla úrtøku ímóti B36, so verður NSÍ FM vinnari, tá ið oddaliðið sunnukvøldið klokkan 19 fer á heimavøllin at spæla ímóti HB. Um HB ikki vinnur fulla úrtøku í Runavík, so verður NSÍ meistari sunnukvøldið uttan mun til, hvussu tað fer at ganga hjá KÍ í Gundadali.
Um B36 ikki vinnur ímóti KÍ so fer HB longu undan grannauppgerðini í Gundadali annan leygardag at eiga trygd fyri europeiskari luttøku næsta summar.
KÍ – B68 0-1 (0-1)
0-1: Sebastian Lau Nielsen br 17.
Víkingur – AB 2-0 (0-0)
1-0: Rani Hansen 51.
2-0: Rani Hansen 56.
NSÍ – 07 Vestur 1-0 (0-0)
1-0: Aron Knudsen 83.
EB/Streymur – HB 0-1 (0-1)
0-1: Heini F. Sørensen br 19.
B36 – Skála ÍF 3-3 (1-0)
1-0: Jógvan Kárason Gullfoss 13.
1-1: Sebastian Petersen 57.
1-2: Markus Hellisdal br 61.
1-3: Martin Johansen 66.
2-3: Bartal Páll Klein 76.
3-3: Bartal Páll Klein 85.
NSÍ | 25 | 16 | 6 | 3 | 50 | 27 | 54 |
KÍ | 25 | 13 | 9 | 3 | 48 | 22 | 48 |
HB | 25 | 13 | 5 | 7 | 45 | 31 | 44 |
Víkingur | 25 | 10 | 11 | 4 | 38 | 28 | 41 |
B36 | 25 | 10 | 9 | 6 | 38 | 32 | 39 |
EB/Streymur | 25 | 7 | 5 | 13 | 30 | 42 | 26 |
Skála ÍF | 25 | 5 | 9 | 11 | 29 | 42 | 24 |
AB | 25 | 7 | 3 | 15 | 32 | 46 | 24 |
07 Vestur | 25 | 6 | 4 | 15 | 24 | 42 | 22 |
B68 | 25 | 5 | 5 | 15 | 26 | 48 | 20 |
Máltindurin
Petur Knudsen NSÍ 12
Loick Lespinasse B68 9
Árni Frederiksberg KÍ 9
Heini Sørensen HB 8
Páll A. Klettskarð KÍ 8
26. umfar
Sunnudagin 25. oktober
Víkingur – EB/Streymur: kl. 15.00
NSÍ – HB: kl. 19.00
Skála ÍF – AB: kl. 17.15
07 Vestur – B68: kl. 15.00
B36 – KÍ: kl. 15.00
