Enn er eingin avgerð tikin um, hvat Skúlaheimið í Marknagili skal brúkast til. Tað sigur Bárður á Lakjuni, landsstýrismaður í mentamálum.

Nú Løgtingið viðgerð fíggjarlógina fyri næsta ár, hevur Fíggjarnevndin spurt landsstýrismannin, hvat ætlanin er at gera við Skúlaheimið í Marknagili.

Sum støðan er nú, er tað Glasir, sum stendur fyri Skúlaheiminum, og rekur tað. Men leiðslan á Glasi við sleppa av við Skúlaheimið, tí tey halda, at tørvurin á einum skúlaheimi er ikki longur tann sami sum fyrr.

Talið á búgvandi á Skúlaheiminum er lækkað, og leiðslan á Glasi sigur, at tað er tyngjandi fyri raksturin, at tey eisini hanga upp á tað.

Men enn er avgerð ikki tikin um Skúlaheimið, men sjálvur mælir landsstýrismaðurin til, at Skúlaheimið verður gjørt til lestrarbústaðir, og at tað verða Bústaðir, sum skulu umsita tað.

Bústaðir liggha undir Bústaðarmálaráðið, og tí verður málið í fyrsta umfari umrøtt við Margit Stórá, landsstýriskvinnu í bústaðarmálum, sigur landsstýrismaðurin í mentmálum.