Í sambandi við 90 ára føðingardagin hjá Norðoyastevnuni verður tað serliga hátíðarhildi í Varpinum í døgunum 25., 26. og 27. mai, við tveimum sýningum hvønn dag kl. 17:00 og 19:00.

Tiltakið er skipað í samstarvi millum Varpið og Klaksvíkar Sjónleikarafelag, sum saman bjóða áhoyrarum eina serliga føðingardagsuppliving við leiklist, tónleiki og operettum.

Á pallinum framføra millum onnur, Jórun Ljósstein Johansen og Jan Gardar, undir leikstjórn hjá Jákup Veyhe. Týðingina hevur Nicolina Dahl staðið fyri.

Tónleikaliga innslagið verður tryggjað av Pætur við Keldu, sum stendur fyri klaverfylgispælinum, og eisini luttaka operetturnar hjá Biritu Adelu saman við Klaksvíkar Manskór.

Fyriskipararnir leggja dent á, at øll sum ynskja at vera við til hátíðarhaldið, skulu bíleggja pláss frammanundan við at "keypa" eitt ókeypis atgongumerki.

Talan er um eitt serligt tiltak, sum bæði heiðrar søguna hjá Norðoyastevnuni og savnar lokala mentan, sjónleik og tónleik í einari felags uppliving í Klaksvík.