Eftir ein steðg í 23 ár spældi kendi, føroyski bólkurin, Clickhaze, sína fyrstu konsert aftur á G! Festivalinum í summar. Men nú boðar bólkurin frá tveimum konsertum afturat.
Fríggjakvøldið 4. september spælir Clickhaze í OY í Havn, og leygarkvøldið 5. september spælir bólkurin konsert í Mentanarhúsinum í Fuglafirði, hendan seinna framførslan er partur av árligu Mentanardøgunum.
– Talan er um tvey serstøk høvi at uppliva bólkin aftur á palli, siga fyrireikararnir.