Allan seinnapartin í gjár og út á kvøldið var vælmannað løgreglulið í Fuglafirði.

Enn er løgreglan ikki til reiðar at siga nakað um málið, men tað einasta, tey siga, er, at beint eftir døgurða í gjár fingu tey fráboðan um, at ein lívleysur persónur varð funnin uttandura.

Málið er ikki liðugt kannað, so tey hava ikki fleiri viðmerkingar enn.

Men har vóru nógvir løgreglubilar umframt sjúkrabilar og sløkkiliðsbilar á staðnum, og  løgreglufólk flugu eisini við dronu í nógvar tímar yvir búðarøkinum.

Vegurin, har ið hendingin fór fram, varð eisini sperraður, og fólk, sum búðu nærindis, sluppu ikki til hús í eina góða løtu.