Ongi úrslit

Ákæruvaldið er við til at stýra løgreglukanningum

Arnfinn á Birtuni
1 tími síðan

Í dag, 17. november, viðgjørdi Løgtingið uppskotið um at taka løgreglu, ákæruvald og brotsmálaumsorgan undir føroyskt ræði.

Men í orðaskiftinum saknaði eg ein grundleggjandi spurning: Hvussu tryggja vit neyðugu frástøðuna millum tey, ið kanna eitt mál, og tey, ið skulu meta sjálvstøðugt og kritiskt um kanningina?

Vit kunnu tosa leingi um at yvirtaka eina skipan. Men vit mugu eisini tora at spyrja, um sjálvur bygnaðurin eigur at broytast.

Í Føroyum hava løgreglan og ákæruvaldið sama ovasta stjóra: landfútan.

Í størri og fløktum málum er ákæruvaldið við frá byrjan og ráðgevur um kanningarleiðina og prógvini. Samstundis skal ákæruvaldið meta sjálvstøðugt og kritiskt um, hvørt málið heldur.

Tann, sum hevur verið við til at byggja eitt mál upp, skal eisini kunna siga: Vit hava tikið feil.

Her liggur mín atfinning. Tá ið samstarvið er tætt og ovasta leiðslan felags, er vandi fyri, at báðir partar læsa seg føst í somu fatan. Veikleikar kunnu verða undirmettir, og mistøk torførari at viðurkenna.

Ríkisadvokaturin ávarar sjálvur um, at tætta samstarvið ikki má gera, at ákærin missir sítt kritiska eyga fyri veikleikum í málinum.

Eftirlit og kærumøguleikar eru longu til. Men eru trygdirnar nóg sterkar?

Eg vil hava leiðsluna fyri løgregluni skilda frá leiðsluni fyri ákæruvaldinum, saman við sterkum óheftum eftirliti.

Tá ið vit umrøða yvirtøku, mugu vit eisini umrøða, hvørja skipan vit vilja hava. Tað er ikki nóg mikið at flyta valdið. Vit mugu tryggja borgaranum rættartrygd mótvegis tí.

Hvør kannar kanningina?

Les grundarlagið og almennu keldurnar her:
https://raettartrygd-ekem.birtunix.chatgpt.site

Arnfinn á Birtuni

Mest lisið hesa vikuna

Nøkur orð um skyldmannin Allan Enghamar

15. november kl. 04:55

Løgreglan lukkaði eitt skeinkistað í Havn í nátt og koyrdu øll á dyr

15. november kl. 09:12

Soleiðis fáa tey nógv betri kjøt úr hjallinum

15. november kl. 13:23

Ein viti er slóknaður: Minningarorð um Óla Eyðun Eliassen

Í gjár kl. 07:00

Fjúrtan heilsuhjálparar afturat klaktir á Heilsuskúlanum í Suðuroy

12. november kl. 16:10

Ein nuanserað viðmerking til eina nuanseraða samrøðu

14. november kl. 14:27