Fyrrapartin í gjár hendi eitt arbeiðsóhapp í Klaksvík. Tey vóru í ferð við at smíða eini hús, tá ið ein maður datt av einum byggipalli. Fallið var góðar tríggjar metrar og maðurin varð fluttur á Landssjúkrahúsið.
Løgreglan veit ikki hvussu støðan er, men boð vórðu beinanvegin send eftir arbeiðseftirlitinum sum skal kanna umstøðurnar og um allar forskriftir annars vóru fylgdar.