Ongi úrslit

Bókaprátið við Fíu Lindenskov

Fía Lindenskov, integratiónssamskipari - Í sambandi við Les føroyskt-vikuna leggja vit ummælini av føroyskum bókum út, sum hava verið prentað í Dimmalætting í ár.

Jonhild Rasmussen
2 tímar síðan

1. Hvørja føroyska bók vilt tú viðmæla – og hví júst hana?

Tað er mangar góðar føroyskar bøkur. Summir rithøvundar havi eg verið hugtikin av síðani eg var heilt ung, men ein ið eg veruliga havi fingið eyguni upp fyri, er Sólrun Michelsen, við hennara trilogi: Ein táttur er silvur, ein annar er gull og fáur fær tráin heilt slættan. Eg viðmæli bókaverkið, tí gtað fyllir eitt tómrúm í førousku bókmentasøguni, søgan um føroysku kvinnuna.

2. Hvat ger hesa bókina serliga í tínum eygum?

Tað heilt serliga við hesum bókaverki er, at tað lýsir føroysku søguna í 19. og 20. øld frá einum kvinnuligum sjónarhorni. Hettar er heilt einfalt søgan hjá føroysku kvinnuni og øllum tí henni er fyri. Veruleikin verður ikki ballaður inn ella tagdur burtur, men hóast harðu og beisku lagnurnar, so er bókaverkið lætt, livandi og vónríkt. Tað er ógjørligt at leggja bøkurnar frá sær aftur. Persónslýsingarnar eru sera góðar, og bókaverkið fekk meg at hugsa um “Karitas”, hjá íslendsku Kristin Marja Baldursdóttir.

3. Hvat sat eftir hjá tær, tá tú hevði lisið hana?

Longu ímeðan eg las søguna so hugsaði eg, at hettar er søgan, ið vit hava manglað. Hevði tað ligið fyri hjá mær at skrivað skaldsøgur, so hevði eg ynskt at verið tann, ið festið hettar bókaverkið á blað. Eitt satt meistaraverk.

4. Um tú skuldi givið bókina víðari til ein ávísan persón, hvør skuldi tað verið?

Eg ynski at míni børn fara at lesa bøkurnar.

Høvundur: Sólrun Michelsen

Kápusnið: Sára Mikkelsen

Bólkur: Skaldsøga

Útgávuár: 2019

Forlag: Sprotin

Síður: 304

Høvundur: Sólrun Michelsen

Kápusnið: Sára Mikkelsen

Bólkur: Skaldsøga

Útgávuár: 2020

Forlag: Sprotin

Síður: 236

Høvundur: Sólrun Michelsen

Kápusnið: Sára Mikkelsen

Bólkur: Skaldsøga

Útgávuár: 2021

Forlag: Sprotin

Síður: 254

Mest lisið hesa vikuna

Nøkur orð um skyldmannin Allan Enghamar

19 tímar síðan

Løgreglan lukkaði eitt skeinkistað í Havn í nátt og koyrdu øll á dyr

14 tímar síðan

Fjúrtan heilsuhjálparar afturat klaktir á Heilsuskúlanum í Suðuroy

12. november kl. 16:10

Par kom til ilnar á alfaravegi

Í gjár kl. 09:08

Soleiðis fáa tey nógv betri kjøt úr hjallinum

10 tímar síðan

Hon var til reiðar at taka sæti á tingi fyri at fella uppskot um fosturtøku

10. november kl. 17:23