Aftur í ár eru 6. flokkarnir í Tórshavnar kommunu á floti við Westward Ho. Tað eru teir hvørt ár í tíðarskeiðnum 14. august til 2. september. Flokkarnir kappast um, hvør teirra fær mest.

Tórshavnar býráð sigur, at hósmorgunin fóru spent og hugagóð børn í sætta flokki í skúlanum við Løgmannabreyt við Westward Ho, og tey settu met, tí tey fingu 176 fiskar. Higartil hevur metið verið 124 fiskar.

Síðan 2009 hevur tað verið fastur táttur, at næmingar í 6. flokki í Tórshavnar kommunu eru farnir á fjørðin við Westward Ho. Á túrinum læra næmingarnir um sjógv og fiskiskap.

Foreldur, ommur og abbar eru vælkomin við á túrin, og hesum møguleikanum høvdu mong eisini tikið av hósdagin.