Fýra útlendsk ferðafólk fingu í gjár bót frá løgregluni, eftir at tey vóru sædd flúgva við dronum í Klaksvík.

Orsøkin til bótina er tann, at føroyska lóggávan bannar dronuflúgving innan fyri tveir kilometrar frá tyrlupallum. Dronurnar hjá teimum fýra vóru á flogi innan fyri hetta økið, og tí var talan um eitt lógarbrot.

Sambært teimum sjálvum vistu tey ikki, at serligar reglur galda fyri dronuflúgving í økinum.

Øll fýra hoyrdu til sama ferðalagi og vóru steðgað samstundis.

Løgreglan valdi ikki at leggja hald á dronurnar.