Nú Smyril var á veg av Havnini til Suðuroyar nú seinnapartin, løgdu teir brádliga stilt eystan fyri Sandoynna.

Orsøkin var, at onkur hevði sæð ein gummibát í sjónum og Smyril setti so ein bjargingarbát út at kanna málið.

Tá ið tey komu fram á gummibátin,var ein maður í honum og hann er beint nú bjargaður umborð á Smyril. Smyril hevur nú sett ferð á aftur suðureftir ímóti Krambatanga.

Mrcc sigur frá manningini á Smyrli, at hann er væl fyri. Men annars vita tey ikki enn, hvat er farið fram.