Danmark hevði eitt alment avlop upp á 90,2 milliardir krónur í 2025. Tað svarar til 2,9 prosent av bruttotjóðarúrtøkuni (BTÚ).
Bara Kýpros hevði størri avlop í mun til BTÚ, nevniliga 3,6 prosent.
Tað vísa nýggj tøl frá Danmarks Statistik.
Meðan Danmark hevði stórt avlop, hevði ES sum heild eitt hall á 3,1 prosent av BTÚ.
Bara fimm av teimum 27 ES-londunum høvdu avlop í almenna búskapinum.
Harumframt megnaðu 17 lond at halda hallið undir ella á markinum á trimum prosentum av BTÚ.
Danska ríkisskuldin minkaði við 45,1 milliardum krónum í 2025 og var 847,7 milliardir krónur við árslok.
Skuldin svaraði til 27,2 prosent av BTÚ, samanborið við 81,5 prosent í ES sum heild.
Danmark var eitt av bert fýra ES-londum, har almenna skuldin minkaði í krónum.
