Í gjár og í morgun hevði løgreglan eitt sindur at gera í sambandi við ferðsluna. Í morgun fór ein bilur útav við rundkoyringina í Kollafjørði og hann endaði í bønum.

Løgreglan sigur, at tvey fólk vóru í bilinum og annað av teimum varð flutt á Landssjúkrahúsið til kanningar. Løgreglan veit ikki, hví bilurin fór út av.

Í gjár hendi eisini eitt ferðsluóhapp í Saltangará har ein bilur ikki helt víkiskylduna og tað er hann skuldsettur fyri. Hann fær í hvussu so er bót og klipp í koyrikortið.

Løgreglan tók eisini fimm bilførarar í Havnini og har um vegir. Teir vórðu tiknir fyri at tosa í fartelefon ímeðan teir koyrdu. Teir fáa 1.500 krónur bót í part, umframt eitt klipp í koyrikortið

Løgreglan hevur eisini tikið nummarpláturnar av seks bilum í Havn og í bygdunm norðan fyri Havnina. Tað er tí at eigararnir ikki hava goldið vegskatt.