Forstjórin í Ocean Rainforest, Olavur Gregersen, luttók sum samskipari í Horizon Europe SeaMark-verkætlanini, sum fór fram á Kypros í farnu viku.
Sambært stjóranum hevur evropeiski tarageirin ikki miseydnaðst við at vaksa – skipanin hevur bert ikki tillagað seg virðið í vinnuni.
Seinastu 10 árini hevur ES sett meira enn 650 milliónir evrur av til meira enn 250 verkætlanir innan menning av algum. Tað svarar til umleið 4,85 milliardir krónur.
Tøknin er klár
Ólavur Gregersen vísir á, at vitan, alingaraðhættir, framleiðslutøkni og nýggjar vørur longu eru tøkar. Kortini hava fleiri loysnir ilt við at sleppa á marknaðin í Evropa.
Eitt dømi eru plantustyrkjandi evni grundað á tara. Sambært felagnum kann tað í dag vera skjótari at fáa slíkar vørur góðkendar í USA enn í ES.
Meiri enn bara matur
Sambært Ocean Rainforest kann taraaling hjálpa við matvørutrygd, minka um tørvin á vanligum tøðevnum, styrkja veðurlagsmótstøðuføri og skapa arbeiðspláss fyri tey, ið búgva tætt við sjógvin.
Boðskapurin úr Kypros var greiður: Evropa hevur vitanina – nú krevst eitt regluverk, sum gevur vinnuni vakstrarmøguleikar.
