Fólkatingið boðar frá, at tað í komandi fólkatingsári fer at fáa ein prest fast knýttan at Christiansborg.

Hetta hendir eftir at Folketingets Præsidium hevur tikið av einum tilboðið frá biskupinum í Keypmannahavn.

Seinastu árini hava vikuligar andaktir verið hildnar á Christiansborg. Hesar hava givið fólkatingslimum og starvsfólki møguleika fyri at hugsavna seg og reflektera í einum upptiknum gerandisdegi, og luttøkan hevur verið góð. Ætlanin við nýggju skipanini er at bjóða prestaliga samrøðu til tey, ið hava tørv á tí.

Biskupur í Københavns stift hevur sett tilboðið fram, og formaðurin í Fólkatinginum Søren Gade, hevur kunngjørt, at avgerðin er tikin í semju.

Fyriskipan og praktisk viðurskifti verða avklárað eftir summarfrítíðina, og tiltakið fær ikki eyka kostnað fyri Fólkatingið.