Á Miðdegi í gjár varð ringt til løgregluna at siga frá, at fólk flugu við dronu á Trælanípuni. Løgreglan sigur, at talan var um trý útlendsk ferðafólk, sum flugu við dronu.

Løgreglan sigur, at tey komu við løgregluni til Havnar og har fingu tey 3.500 krónur í bót í part sum tey rindaðu á staðnum - men tey fáa dronurnar aftur.

Løgreglan sigur, at tey fingu bótina fyri at flúgva við dronu ov nær flogvøllinum. Tað er nevniliga ikki loyvt at flúgva við dronu nærri enn fimm kilometrar frá flogvøllinum.

Tað er eisini týðiliga merkt við skeltum, so tað eiga tey at vita - men spurningurin er um tey so taka kjansin fyri at fáa nakrar góðar náttúrumyndir.