Í gjár var seinasta hond løgd á nýggju tøknina hjá Føroya Bjór, sum Dalum Beverage Equipment hevur útvega. Talan er um eitt anlegg til uppsamling av CO2 frá bjórframleiðsluni á Føroya Bjór.

Sum skilst skal nýggja tøknin gera tað møguligt, at endurvinna CO2 frá bjór framleiðsluni og endurnýta tað sum brús til sodavatn.

Sambært tíðindaskrivi frá Føroya Bjór, skal nýggja tøknin vera við til at nærum onki CO2 frá bjór hjá familju fyritøkuni í Klaksvík framyvir fer út í atmosferuna.

- Føroya Bjór hevur síðani 1888 strembað eftir at arbeiða burðardygt.

Endurnýtsla, umframt at ansa eftir spill framleiðslu, er ein partur av grønu menningarætlanini hjá Føroya Bjór.

So hendan nýggja íløgan er sanniliga eitt stórt stig á grønu kósini, skrivar Føroya Bjór í tíðindaskrivi.