Landsstýriskvinnan í heilsu- og orkumálum, Eyðdis Hartmann Niclasen, hitti hósdagin suðurkoreanska sendiharran í Keypmannahavn, Dong Yeol Rhee, sum hevur vitja í Føroyum.

Fundurin varð hildin í kjalarvørrinum á ferðini hjá einari føroyskari sendinevnd til Suðurkorea í juni. Har vórðu møguleikarnir fyri samstarvi innan heilsu, orku, fiskivinnu, havgransking, skipasmíð, snildhavnir, útbúgving og ferðavinnu kannaðir.

Sambært landsstýrinum hevur ferðin styrkt samskiftið við suðurkoreanskar myndugleikar og vinnulív.

Tollur darvar útflutninginum

Bárður á Steig Nielsen, landsstýrismaður í uttanríkis- og fiskivinnumálum, hitti eisini sendiharran.

Serligur dentur varð lagdur á føroyska ynskið um fríhandil. Fleiri av kappingarneytunum hjá Føroyum hava tollfrælsi á suðurkoreanska marknaðinum, meðan føroyskar fiskavørur ikki hava somu sømdir.

Partarnir vóru samdir um, at neyðugt er at lætta um føroyska fiskaútflutningin. Arbeiðið heldur nú fram.