Ongi úrslit

Føroyska landsliðið á forkunnugari vitjan hjá bispi

Føroyska manslandsliðið í fótbólti vitjaði í morgun á Biskupsgarði, har spælararnir heilsaðu upp á Jógvan Fríðriksson, biskup, og fingu høvi at síggja umstøðurnar á garðinum.

Tíðindaskriv
53 minuttir síðan

Jógvan Fríðriksson, biskupur, tók ímóti landsliðnum og bjóðaði spælarunum vælkomnum. Ovi Brim, próstur, helt síðani eina stutta framløgu, har hann millum annað legði dent á týdningin, sum føroysku landsliðsspælararnir hava sum fyrimyndir fyri børn og ung í Føroyum.

Í framløguni tók prósturin eisini orðini hjá Jóhannesi Páli páva II fram:

– Av øllum týdningarleysum tingum er fótbóltur tó hitt týdningarmesta.

Vitjanin fór fram sama dag, sum landsliðið skal á vøllin, og sambært Biskupsgarði merktist væl á spælarunum, at teir vóru spentir til dystin seinni í dag.

Við góðum veðri og einum týdningarmiklum dysti fyri framman er lagt upp til ein spennandi fótbóltsdag.

Á Biskupsgarði nýttu tey høvið at ynskja føroyska landsliðnum góða eydnu og øllum ein góðan dyst.

Mest lisið hesa vikuna

Nøkur orð um skyldmannin Allan Enghamar

Í gjár kl. 04:55

Løgreglan lukkaði eitt skeinkistað í Havn í nátt og koyrdu øll á dyr

Í gjár kl. 09:12

Fjúrtan heilsuhjálparar afturat klaktir á Heilsuskúlanum í Suðuroy

12. november kl. 16:10

Soleiðis fáa tey nógv betri kjøt úr hjallinum

Í gjár kl. 13:23

Par kom til ilnar á alfaravegi

14. november kl. 09:08

Ein nuanserað viðmerking til eina nuanseraða samrøðu

Í gjár kl. 14:27