Hervør Pálsdóttir, løgtingskvinna, vil hava at vita, um arbeitt verður við at geva føroyskum barnakonum tilboð um ultraljóðskanning longu í viku 12. Spurningurin er settur Eyðdis Hartmann Niclasen, landsstýriskvinnu í heilsu- og orkumálum.

Væntaður føðingardagur verður ásettur seint

Í Føroyum sleppa barnakonur í dag til ultraljóðskanning í viku 18 til 22. Sambært fyrispurninginum merkir hetta eisini, at væntaði føðingardagurin ikki verður ásettur fyrr enn tá.

Hervør Pálsdóttir vísir á, at hetta kann elva til størri óvissu, enn um føðingardagurin varð ásettur fyrr í viðgongutíðini.

Vil vita, um broyting er á veg

Løgtingskvinnan spyr eisini, um landsstýriskvinnan ætlar at seta arbeiði í gongd við at bjóða ultraljóðskanning í viku 12, um eingin slík ætlan longu er.

Fyrispurningurin varð settur á Løgtingi 16. september 2026.