Í ár er dentur lagdur á átøk, sum læra børn og ung um umhvørvis- og veðurlagsspurningar. Sambært Norðurlandaráðnum eru 69 uppskot komin inn, býtt á 53 átøk og kandidatar úr øllum Norðurlondum.

Avgerðin fellur í morgin

Tað verður kunngjørt 24. juni á Suomi Arena í Finnlandi, hvør sleppur víðari til endaligu tilnevningina.

Vinnarin fær príssteypið Nordlys á einum hátíðarhaldi undir Norðurlandaráðsfundinum í Helsinki í oktober 2026. Prísupphæddin er 300.000 krónur.

Uppskotini fevna millum annað um lokal átøk, undirvísingarverkætlanir, fyritøkur, felagsskapir og einstaklingar.

Norðurlandaráðið sigur, at tilgongdin er opin fyri øllum og skal tryggja eina almenna og demokratiska tilgongd. Umhvørvisprísurin varð latin fyrstu ferð í 1995.