Trý starvsfólk hjá Formula hava í ár 40, 30 og 25 ára starvsdag. Tey hava sostatt fylgt bæði fyritøkuni og føroysku kt-vinnuni í mong áratíggju, meðan tøknin hevur broytt seg grundleggjandi.

Fimm ár undir útbúgving

Við síðuna av teimum royndu starvsfólkunum standa tveir nýútlærdir dátutøkningar.

Teir hava verið undir útbúgving hjá Formula í fimm ár og eru nú útlærdir við sergrein í ávikavist menning og infrastrukturi.

Nýggj vitan skal bera víðari

Formula leggur dent á bæði at varðveita dugnalig starvsfólk og at geva nýggjum fólkum møguleika at læra av teimum royndu og mennast í fyritøkuni.

Sambært Formula skal samspælið millum drúgvar royndir og nýggja vitan vera við til at menna bæði fyritøkuna og talgildingina í Føroyum.