Landingarnar vóru serstakliga í Fuglafirði og á Tvøroyri, har bæði Havsbrún, Pelagos og Varðin Pelagic tóku ímóti fiskinum.

Samanlagt vóru meira enn 11.900 tons av svartkjafti og gulllaksi landað í Føroyum frá 4. til 10. mai.

Fuglafjørður hevði størstu landingarnar

Fagraberg kom á Fuglafjørð við 2.700 tonsum av svartkjafti til Havsbrún. Teir høvdu fiskað sunnan- og vestanfyri Føroyar.

Somuleiðis landaði grønlendska skipið Polar Ammassak 2.000 tons av svartkjafti til Havsbrún.

Seinni í vikuni kom Birita á Fuglafjørð við 1.800 tonsum av svartkjafti, eisini til Havsbrún.

Norðingur hevði 1.170 tons av svartkjafti við til Pelagos, meðan Arctic Voyager kom við 1.250 tonsum.

Flestu skipini høvdu roynt vestur úr Føroyum.

Tvøroyri hevði nógv virksemi

Á Tvøroyri landaði Tróndur í Gøtu 1.260 tons av svartkjafti til Varðan Pelagic, har fiskurin varð heilfrystur.

Gøtunes kom eisini á Tvøroyri við 1.600 tonsum av svartkjafti. Teir skuldu landa, tá liðugt varð hjá Tróndi í Gøtu.

Harumframt landaði Tummas T. 140 tons av gulllaksi til Varðan Pelagic.

Svartkjafturin fyllir nógv

Landingarnar í viku 19 vísa, at svartkjaftafiskiskapurin framvegis fyllir nógv í føroysku uppisjóvarvinnuni.

Bæði føroysk og útlendsk skip landaðu fisk til føroysku virkini, og nógv av skipunum høvdu roynt í føroyskum sjógvi vestur úr Føroyum.